Wachan katta with Maithili Kulkarni

 प्रस्तावना:-       ९५ व्या अखिल भारतीय मराठी साहित्य संमेलनाच्या अध्यक्षपदी भारत सासणे यांची निवड झाली. यापूर्वी भारत सासणे यांचे पुस्तक वाचण्याचा कधी योग आला नाही. लेखक म्हणून ते परिचित असले तरीही त्यांचे पुस्तक कधी वाचनात आले नव्हते. उत्सुकतेपोटी त्यांची माहिती सर्च केली आणि त्यांची महती कळत गेली. एवढ्या मोठ्या इसमाचे एखादे पुस्तक तरी आपण वाचलेच पाहिजे असे वाटतं होते. माझे वाचनवेड लक्षात घेता वाढदिवसाचे औचित्य साधून बहिणीने " दाट काळा पाऊस" हे भारत सासणे यांचे पुस्तक मला भेट कारणे हा ही एक योगायोगच... झपाटल्यागत पुस्तक वाचण्यास सुरुवात झाली. भारत सासणे यांच्या लेखणीची प्रगल्भता च एवढी आहे की, प्रामाणिक मत मंडायचे झाल्यास एकदा वाचून हे पुस्तक समजत नाही. वारंवार वाचनातून त्यांचीलेखन शैली उलगडत जाते. त्यासाठी त्यांची पुस्तके वाचावी लागतात. पुस्तकं:-             दाट काळा पाऊस ( दीर्घ कथा संग्रह)  लेखक:-             भारत सासणे प्रकाशन:-              मॅजेस्टिक प...

प्रस्तावना-- काही व्यक्ती आपल्या जीवनात इतके उंच शिखर गाठतात की, त्यांच्या आयुष्याकडे पाहताना डोळे दिपून जातात.मन फक्त होतं. त्यांचं अष्टपैलू व्यक्तिमत्त्व अनेकांचं प्रेरणास्थान बनतं. स्वर साधनेस आपले उभे आयुष्य देणार्‍या आणि कित्येक दशकं आपल्या स्वर सुरांनी जगाचे लक्ष वेधणाऱ्या अवनी वरील तमाम जीवाच्या मनात अधिराज्य गाजवणाऱ्या अशाच एका  ज्या व्यक्तिमत्वाबद्दल मी बोलत आहे, ती व्यक्ती म्हणजे साक्षात सरस्वतीच्या गळ्यात वास करत असे अशी सर्वांची लाडकी स्वर्योगिनी "लतादीदी". सहा फेब्रुवारी दोन हजार बावीस रोजी त्यांना देवाज्ञा झाली. तन आणि मन दोन्हीही सुन्न झालं. जगच थांबल्या गत वाटू लागलं. मनातून त्यांचा विचार काही केल्या जात नव्हता. वर्तमानात त्या दिसत नसल्या तरीही पुस्तकं, गीत या सर्वांमधून त्या सगळ्यांमध्ये वावरत आहेतच."स्वरयोगिनी" हे मधुवंती सप्रे लिखित व्यक्ती चित्रण वाचून त्यांच्या अथांग कार्याचा आढावा घ्यावा आणि त्यांच्या अधिक समीप जाऊन यावे या हेतूने हे पुस्तक वाचले किती आणि काय लिहावे लतादीदीं बद्दल.... शब्दही अपुरे माझे अशी अवस्था झाली आहे.     स्वर योगिनी च्या ...

  प्र स्तावना :--           काही साहित्यिक असे असतात, ज्यांच  साहित्य अंतर्मनाला हेलावून टाकतं.त्यांच्यातील लेखनकौशल्य वाचून मन आतृप्त होतं आणि त्यांनी लिहिलेला शब्द न शब्द मनाला छेदून तर जातोच पण तो वाचकाला स्वस्थ बसू देत नाही. हा शब्द बोलण्याचा प्रयत्न करतो, प्रश्न विचारत असल्याचा भास होतो आणि त्यामुळेच की काय वाचक प्रचंड अस्वस्थ होतो. त्या शब्दांची संवेदनशीलता, प्रखरता, स्पष्टताच एवढी असते की वाचक आतून-बाहेरून हेलावून जातो. असेच काहीसे "आयुष्याच्या कॅनव्हासवरील अस्वस्थ रेघोट्या " हा काव्यसंग्रह वाचताना झाले.           आपल्या लेखन प्रतिभेने सर्वसामान्य वाचकांच्या मनात एक वेगळा ठसा उमटवणारी मराठमोळी कवयित्री,लेखिका सौ. माधुरी चौधरी यांचा काव्यसंग्रह वाचताना डोळ्यात पाणी तरळले नाही तरच नवल.. भयान वास्तव दर्शन काव्यातून झालेले आहे आणि येथेच कवयित्रींनी वाचकास जिंकून घेतले आहे.            आज आपला भारत देश अमृतमहोत्सव साजरा करतो आहे.आजची नारी ही निश्चितच खूप बदललेली आहे. ती स्वावलंबी झालेली आहे. पण ज्...

एक होता कार्व्हर-Ek Hota Carver Book review प्रस्तावना:-         वाचनाची आवड असणाऱ्या माझ्यासारख्या अनेक साहित्य वेड्या वाचकांना पुस्तक म्हणजे, जीव की प्राणच जणू!!! मराठी पुस्तक वाचनं तसं सोयीचं....कारण मातृभाषा मराठी. असेच एक पुस्तक हाती लागले.... ते म्हणजे " एक होता कार्व्हर!" वास्तविक पाहता या पुस्तकातील पात्र म्हणजे एका नीग्रो शास्त्रज्ञाचे चरित्र. कुतूहल वाटले म्हणून वाचण्यास घेतले. एकदा दोनदा वाचून झालं. मन काही शांत होत नव्हतं. प्रत्येक क्षणाला हा माणूस आपल्या समोर उभा आहे असा भास होत होता. आणि त्याच्या त्या आभासी आदरयुक्त धाकाने शेंगाची टरफल सुद्धा  डस्टबिन ऐवजी झाडाच्या बुंध्याशी कधी जाऊ लागली हे कळलेच नाही. प्रसिद्ध लेखिका वीणा गवाणकर यांच्या अप्रतिम,अद्वितीय, लेखनातून साकारलेलं हे पुस्तक म्हणजे आपल्याला मिळालेली अनमोल देण आहे. कार्व्हर जरी भारतात जन्माला आला नसला तरीही त्याची आयुष्य गाथा ही सामान्य माणसाची कथा आहे. कार्व्हर म्हणजे आपल्या जवळ असणाराच एखादा आपल्यातील माणूस आहे असाच भास वाचताना होतो. अशी महान असामान्य माणसे भारतात जन्माला यायला हवी.. शेत...

प्रस्तावना ---             रणांगणावर कर्तृत्व गाजवणाऱ्या प्रत्येक पराक्रमी , शुर, धैर्यवान योध्याचे आयुष्य अनेक रोमहर्षक प्रसंगांनी भरलेलं असतं. थोरले बाजीराव पेशवे ही त्यापैकीच एक. तो ऐतिहासिक कालखंड, त्या वेळची परिस्थिती आणि राजकीय तसेच सामाजिक जीवन पद्धती यांचा अभ्यास करता ब्राह्मणी आणि यवनी संस्कारांची देवाण-घेवाण करावं इतपत पुढारलेला समाज त्या वेळेचा निश्चितच नव्हता. तरीही अप्रतिम सौंदर्याची खाण असणाऱ्या मस्तानीवर बाजीरावाने उत्कट प्रेम केलं. विरह यातनेत मृत्युला कवटाळून समाजविरोधी केलेल्या धाडसाची यथोचित किंमतही चुकवली.             अप्रतिम कल्पनाविलास , सुरेख लेखन शैली यामुळे राऊ वाचतांना वाचक सहज सुलभ त्या दृश्यांच्या अवतीभवती असल्याचा भास होतो. थोरले बाजीराव पेशवे आणि मस्तानी यांच्या मधील भावनविश्व रेखाटताना कोठेही अतिरेक झाला नाही आणि त्यामुळेच राऊ वाचकांच्या पसंतीस उतरली. पुस्तक ---                  ...

प्रस्तावना:-                 माणूस म्हटला की, व्यक्त होणे हे ओघाने आलेच. स्वतःला जे म्हणायचे आहे, सांगायचे आहे ते कोणी बोलून तर कोणी हातवारे करून व्यक्त करतो. चित्र ,कविता ,लेख, निबंध, कथा ,कादंबऱ्या ही सगळी  व्यक्त होण्यासाठीची  मानव निर्मित साधने आहेत. मनातील भावना काव्यरूपात कागदावर उतरल्या की त्याची कविता होते. त्याच कवितेला सुरांची जोड लागली की ते काव्य होतं. आणि आता याच काव्याला सुमधुर आवाज मिळाला की ते गीत माणसाच्या मुखातून गुणगुणन्या इतपत लोकप्रिय होऊन जातं. एकाच व्यक्तीमध्ये हे सर्व गुण असणारी माणसे दुर्मिळच म्हणावी लागतील.                   "रोहिणी पांडे" या अशाच एका बहुआयामी व्यक्तिमत्त्वाची भेट योगायोगाने झाली आणि या बहू गुणसंपन्न अशा व्यक्तीतील नानाविध पैलूंची ओळख होत गेली. कविता, लेख ,कथा ,गझल , अलक अशा वेगवेगळ्या साहित्य प्रकारातील त्यांचे लेखन वाखाणण्याजोगे आहे. हा प्रवास करत असतानाच स्वनिर्मित काव्यप्रकाराची निर्माती बनलेली ही मराठमोळी सखी एवढ्यावरच न थांबता आपल्या स्वनिर्मित ...

प्रस्तावना:-                 अमृत महोत्सव साजरा करणाऱ्या आपल्या भारत भूमीवरील महाराष्ट्र हे मराठी साहित्य क्षेत्रातील बहुमोल असे राज्य. आज जगभरात मराठी साहित्यिक वसलेले असताना 2022 चे अखिल भारतीय साहित्य संमेलन उदगीर येथे घेण्याचे कारणच मुळी सर्व काही सांगून जाते.  मराठवाड्यातील साहित्यिकांच्या लेखनशैलीची छाप मराठीच नव्हे तर जगभरातील वाचक प्रेमी वर पडताना दिसून येते आहे. मराठवाड्यातील प्रतिभावंत साहित्यिकांची, त्यांच्या लेखनशैलीची मोहिनी माणसाच्या मनावर आशी पडते की, ती व्यक्ती कायमची आपली होऊन जाते. त्या व्यक्तीचे लेखन आपल्या मनावर राज्य करू लागते. त्यांच्या विचारांनी माणूस एवढा भारावून जातो की, त्यांची पाऊले आपसूकच साहित्य वाटेवर चालू लागतात आणि साहजिकच त्यांची पुस्तके परिवारातील सदस्य स्वरूप प्रत्येक मराठी साहित्यप्रेमींच्या घरात विराजमान होतात.            मराठी साहित्याचा समृद्ध वारसा पुढे घेऊन जाण्याचे दायित्व निर्विवादपणे सांभाळत अखंड साहित्य सेवेस स्वतःला झोकून देणारे आणि सोशल मीडिया तसेच लहान थोर मंडळ...