Sudha Murthy Books in Marathi|Sudha Murthy Biography|सुधा मूर्ती मराठी माहिती

इमेज
 Sudha Murthy Books in Marathi|Sudha Murthy Biography|सुधा मूर्ती मराठी माहिती सुधा मूर्ती म्हणजे  नावाजलेलं नाव. इन्फोसिस या प्रसिद्ध आणि नामांकित कंपनीच्या नारायण मूर्ती यांच्या त्या पत्नी. फक्त एवढीच यांची ओळख आहे का? तर नाही. इन्फोसिस कंपनीच्या चढउतारात बरोबरीने साक्षीदार आहेत. इन्फोसिस कंपनीच्या विश्वस्त म्हणून त्या काम पाहतात. मुलगी, गृहिणी, पत्नी, आई या साऱ्या जबाबदाऱ्या पार पाडत त्यांनी आपले अस्तित्व सिद्ध केले आहे. हे यश त्यांना असेच मिळाले नाही. त्यांचे अपार कष्ट गाढा अभ्यास आणि आयुष्याकडे पाहण्याचा सकारात्मक दृष्टिकोन यामुळे त्या प्रसिद्धीस आल्या. एका मराठमोळ्या स्त्रीची यशोगाथा म्हणजे त्यांचे आयुष्य म्हणता येईल. कोण आहेत या सुधा मूर्ती? त्यांचे आई वडील कोण? त्यांना कीती मुलं आहेत? त्यांनी लिहिलेली कोणकोणती पुस्तके प्रसिद्ध आहेत? या आणि अशा अनेक प्रश्नांची उकल यात होणार आहे.                         (सौजन्य: गूगल इमेज)     परिचय :-         सुधा मूर्ती यांचा जन्म 19 ऑगस...

एक होता कार्व्हर (Ek hota carver)मराठी पुस्तक|वीणा गवाणकर

एक होता कार्व्हर-Ek Hota Carver Book review


प्रस्तावना:-

        वाचनाची आवड असणाऱ्या माझ्यासारख्या अनेक साहित्य वेड्या वाचकांना पुस्तक म्हणजे, जीव की प्राणच जणू!!!मराठी पुस्तक वाचनं तसं सोयीचं....कारण मातृभाषा मराठी. असेच एक पुस्तक हाती लागले.... ते म्हणजे " एक होता कार्व्हर!"

वास्तविक पाहता या पुस्तकातील पात्र म्हणजे एका नीग्रो शास्त्रज्ञाचे चरित्र. कुतूहल वाटले म्हणून वाचण्यास घेतले. एकदा दोनदा वाचून झालं. मन काही शांत होत नव्हतं. प्रत्येक क्षणाला हा माणूस आपल्या समोर उभा आहे असा भास होत होता. आणि त्याच्या त्या आभासी आदरयुक्त धाकाने शेंगाची टरफल सुद्धा  डस्टबिन ऐवजी झाडाच्या बुंध्याशी कधी जाऊ लागली हे कळलेच नाही.

प्रसिद्ध लेखिका वीणा गवाणकर यांच्या अप्रतिम,अद्वितीय, लेखनातून साकारलेलं हे पुस्तक म्हणजे आपल्याला मिळालेली अनमोल देण आहे. कार्व्हर जरी भारतात जन्माला आला नसला तरीही त्याची आयुष्य गाथा ही सामान्य माणसाची कथा आहे. कार्व्हर म्हणजे आपल्या जवळ असणाराच एखादा आपल्यातील माणूस आहे असाच भास वाचताना होतो. अशी महान असामान्य माणसे भारतात जन्माला यायला हवी.. शेतीप्रधान भारत देशात महान व्यक्तिमत्त्व जन्माला आले तर भारताच्या शेतीमधील उत्क्रांतीस गती मिळेल.विकासाच्या दिशेने वाटचाल करत असताना शेती हा प्रमुख व्यवसाय दुर्लक्षित करून चालणार नाही.नवनवीन प्रयोगातून व्यवसायास चालना मिळाली पाहिजे. एक होता कार्व्हर हे पुस्तक प्रत्येकाने एवढ्याचसाठी वाचावे कारण, त्यातून प्रत्येक माणसाला शिकण्यासारख्या अनेक गोष्टी आहेत.

  कार्व्हर काय नाही शिकवत?काटकसर शिकवतो ,वेळेचा अपव्यय टाळण्याचे शिकवतो ,धाडस शिकवतो , प्रगती शिकवतो... कार्व्हर ची प्रत्येक गोष्ट शिकण्यासारखी आणि ती आत्मसात करून आचरणात आणण्यासारखी आहे. आणि त्यासाठी नैसर्गिक साधन संपत्तीचा वापर करत असताना त्याचे संवर्धन, पुनर्भरण करून कृषी संस्कृती समृद्ध बनवण्यासाठी प्रत्येकाने स्वतःतील कार्व्हर जागा करण्याची काळाची आजची गरज आहे.



पुस्तकाचे नाव:-
 
                      एक होता कार्व्हर

लेखक:- 

                      वीणा गवाणकर

प्रकाशन:-

                    राजहंस प्रकाशन

मुल्य:- 
                    ₹ २००/- 

लेखक परिचय:-

प्रसिद्ध मराठी लेखिका वीणा चंद्रकांत गवाणकर यांचा जन्म ६ मे १९४३ रोजी झाला. बी ए. डीप. एससी पर्यंत त्यांचे शिक्षण झाले. ग्रंथपाल म्हणून काही काळ त्यांनी कार्य ही केले. वीणा गवाणकर यांनी लिहिलेली अनेक पुस्तके प्रकाशित आहेत. चरित्रलेखन या प्रकारात अधिक रुची असल्याचे त्यांच्या पुस्तकांवरून जाणवते. त्यांनी लिहिलेल्या  अनेक नावाजलेल्या व्यक्तींची चरित्र लोकप्रिय झाली आहेत. एक होता कार्व्हर या चरित्राने तर त्या प्रत्येक मराठी माणसाच्या घराघरात पोहोचल्या. त्यांच्या रचलेल्या चरित्र पुस्तकांबद्दल बोलतांना डॉक्टर आनंद नाडकर्णी यांनी त्यांच्या पुस्तकाचं वर्णन खूप सुंदर केलं आहे ते म्हणतात--वीणा गवाणकर यांचे लेखन म्हणजे----

"सद्भावना वाढवणारी आणि कटू प्रसंगांना कसे तोंड द्यावे हे शिकवणारी पुस्तकं"

*वीणा गवाणकर यांची पुस्तके:-*

१) डॉ आयडा स्कडर 

२) आयुष्याचा संगती... इंटिमेट डेथ (अनुवादित)

३) एक होता कार्व्हर

 ४) गोल्डा - एक अशांत वादळ

५) गोल्डा मेयर

६) डॉ. खानखोजे - नाही चिरा... 

७) भगीरथाचे वारस

८) रॉबी डिसिल्वा

९) सर्पतज्ज्ञ : डॉ. रेमंड डिटमार्स

१०) रोझलिंड फ्रँकलीन (अनुवादित)

११) लीझ माईट्न

१२)विलासराव साळुंखे

१३) शाश्वती

१४) डॉ सलीम अली 

       *एक होता कार्व्हर*

               " जॉर्ज वॉशिंग्टन कार्व्हर " या इंग्रजी पुस्तकाच्या वाचनाने भारावलेल्या वीणा गवाणकर यांनी या पुस्तकातील काही गोष्टी आपल्या मुलांना सांगितल्या. त्यांना आणि त्यांच्या मुलीला सारखेच प्रश्न पडलेले त्यांना जाणवले. या प्रश्नांची उकल करणे अपरिहार्य होते. आपल्या आठ-नऊ वर्षाच्या मुलीच्या आग्रहास्तव त्याचे टिपण झाले. या टिपणातमधून आणि दीड दोन वर्षांच्या अथक कार्व्हरच्या शोधात धावून अनेक गोष्टींचा मागोवा घेत  त्याचा अनुवाद टाळून,स्वतःच्या लेखन शैलीतून शब्दरूपात उतरलेले चरित्र म्हणजे वीणा गवाणकर लिखित "एक होता कार्व्हर!!"

               १८६१ साली अत्यंत साधारण अशा कुटुंबात जन्म झालेल्या एक कृष्णवर्णीय बालकाची अपार कष्टातून स्वतःच्या सुरक्षित जीवनाला सुरुवात होते. गुलाम बनून लोकांची सेवा करण्यात आयुष्य घालवण्याऐवजी कार्व्हरने स्वबळावर आपल्या चिकाटीने सर्वांना आवाहन करणाऱ्या काही गोष्टी केल्या. सर्वच क्षेत्रातील त्यांचे कार्य निशब्द करुन टाकणारे ठरले. त्याकाळी वर्णभेद हा अमेरिकेतील अतिशय लाजिरवाणा प्रकार होता. कृष्णवर्णीय लोकांना खालचा दर्जा तिथे दिला जात असे. या अन्यायाला वाचा फोडत अन्यायाशी झुंज देत, स्वतःचे अस्तित्व सिद्ध करत, कार्व्हर ने आपल्या दैदिप्यमान यशाने जगाचे लक्ष स्वतःकडे केंद्रित करण्यास जगाला भाग पाडले.आपल्या अपार कष्टातून अमेरिकेतील पहिला कृष्णवर्णीय शास्त्रज्ञ म्हणून कार्व्हर नावारूपाला आला. असे असतानाही केवळ डॉ. बुकर टी वॉशिंग्टन यांची मदतीची हाक येताच पैसा, कीर्ती ,सारे सारे त्याग करून, त्याकडे पाठ फिरवून तो एका खेड्यात गेला. तीच त्याची कर्मभूमी बनली.

               आपल्या बांधवांना ,तेथील लोकांना अज्ञानाच्या खाईतून वर काढण्यासाठी अखंड प्रयत्न करत असताना कर्व्हर ने अवघ्या विश्वाला - विश्वातील मानवजातीला एक नवा विचार ,नवी दिशा  दाखवली.

               वीणा गवाणकर यांच्या पुस्तकामुळे एका महामानवाची ओळख मराठी वाचकास झाली त्यांच्या अफाट कार्य पुढे नतमस्तक होत असतानाच वीणा गवाणकर यांनी जॉर्ज वॉशिंग्टन कार्व्हर या महान वैज्ञानिकाची ओळख सर्वसामान्य जनतेस करून दिली आणि त्यांचे महत्वपूर्ण कार्य प्रकाशझोतात आणले याबद्दल त्यांच्या प्रतीचे प्रत्येक वाचकाच्या मनात ऋण न फिटणारे आहे नक्की वाचा आणि त्यांचे गुण आत्मसात करण्याचा आचरणात आणण्याचा प्रयत्न करा आणि हो शक्य झाल्यास आपल्या घरातील लहान मुलांना ही त्यांची महती जरूर सांगा... 

©® मैथिली कुलकर्णी

            (९४२३३५६९४२)

                  

              

टिप्पण्या

या ब्लॉगवरील लोकप्रिय पोस्ट

राऊ ( ऐतिहासिक कादंबरी)|ना.स.इनामदार

नटसम्राट ( वि.वा. शिरवाडकर )|Natasamrat-kusumagraj|नटसम्राट नाटकातील पात्र कोणते?

आषाढी एकादशी चारोळ्या| 40+ cots for ashadhi ekadshi|विठ्ठल रखुमाई|Ashadhi ekadshi maaseges